قصيـدة “أقـطاب متنافرة” للشاعر ” سلمـان المضيـاني”



الرأي - أريج الشمري

الوضع ماهو كذا بالبارد المستريح
ترا الزمن لازم ايعافرك وتعافره

•••••

ماكل غصن تهز..من الرطب لك يطيح
ولا كل نخلٍ …تطول عذوقه الوافره

•••••

والاقنعه ماتجي الا لوجه القبيح
ومن يشهق الطيب ماهو بالردى زافره

•••••
ِ
ماهي غريبه يضيق الكون لوهو فسيح
لاصار بقعا تجيك بوجهها سافره..!

•••••

وسود الليالي لفت وان كان تبغى الصحيح
كانت معي كافره..و افعالها كافره..!

•••••

من وين مااطقها عوجا .واذا بالفصيح
انا وحظي.. تقول اقطاب متنافره..

•••••

ياملهمتني شعر وشلك بقلب جريح
وانتي من حدود صبري والعمر ظافره

•••••

ماني قليِّل صبر والعزم ماهو شحيح
لوكان حلو الليالي عني مسافره

•••••

طبعي اداري واسامح للخطايا وابيح
وقبر المشاريه عندي بالصدر حافره

•••••

اسد لي باب ريح وينفتح باب ريح!
مدري وليه الليالي ماهي بغافره..!

•••••

ولو كانت اوضاعنا بالبارد المستريح
ماكان ناقف بوجه الوقت ونعافره

..

الشاعر:

سلمـان المضياني..


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح