قصيدة”يـاصبـح” للشـاعرة “أفـراح التبينـاوي”



الرأي - أريج الشمري

‏يا صبح ماتشرق لنا اليوم بدري؟
ودي بهذي و اكتسب بك بطولة
••
تزاحم القيفان في وسط صدري
وآقول صبرك لين يعلن وصوله
••
ياصبح فيك إجابتي لكل مدري
تشتاق لك نفسي ولو هي ملوله
••
اكبر ويكبر يا له الحمد ..”قدري”
وتكبر بك احلامي بعرضه وطوله
••
حرمتني بعد الرخا النوم بدري
حتى تكاثر وسط عيني حموله
••
و يا ليل ماينفعك للوقت هدري
فيك الأمل والخايبه، لا تطوله
••
ان قلت بضع اوقات فالوقت عمري
والوقت لو هو يباع خلقه عنوا له
••
صارت حياتي من تباريح صبري
أسابق الغيمه وانا ارجي هطوله
••
شيٍ يشابه للمطافيق .. عذري
وشيٍ يشابهني.. زمان الطفوله
••
ماكنه الا إحسان/في قلب فطري
الله أمر به .. و في كتابه يقوله
••
صار أعظم الايمان! ولا انت تدري
لأنه صعيب وصعب يا قلب نوله..

..

الشـاعـره :
أفـراح التبيناوي


1 التعليقات

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح