كثر التشكي للرجل ما يفيده=الا ليا منه شكى الحال لله
يجابه ظروف الزمان الشديده=يسرج عزومه ويتحدى المعاناه
ليت الليالي كلبوها سعيده=وكلٍ يحصل بالزمن ما تمناه
كم واحدٍ يهوى الفعول الحميده=لو كان جور الوقت والقل يحداه
دنياه ما جت له على ما يريده=وتسوقه الاقدار في شف دنياه
وكم واحدٍ يسعى ويجمع رصيده=اشقاه جمع المال يوم الله اشقاه
يحاول انه كل يومٍ يزيده=ونفسه ليا جا يفعل الجود تنهاه
ويعيش بين الناس عيشه زهيده=تقول ما يملك ريالٍ بمخباه
هذا ومثله جعل ربي يبيده=ولا مات ما حيٍ من الخلق ينعاه
[/poem][/SIZE]