مبروك لك يا نبض قلبي والإلهام = يا ملهمة فكر ن يبوح المعاني
حلمي تحقق وابتدت معك الأحلام = نجني حصايد غرسنا والأماني
البسك شعري على طول الأيام = عقد ن من الألماس بين الغواني
لا تحسدين زياد من دمع الاقلام= انتي بعد فالحب لك شي ثاني
العلم يمحا للجهاله و الاوهام= ومن سار درب العلم وصل التهاني
في دار اقرأ والنبوه والإسلام = في دار قبلتنا بسبع المثاني
دار الملوك اللي على الدين خدام= خيالة العوجا بحزم و بياني
في حبهم نفخر على طول الأعوام = وحب الوطن يا بنت ساس الكياني
في حبهم الأرواح تهدى وتنسام= نحمي بيوت الله بكل التفاني
عيشي سنين العمر والوعد قدام= ورأسك رفيع ولا يشوف الهواني
ومبروك لك مليار يا نبض الإلهام = يا ملهمة فكر ن يبوح المعاني
بنتي لمى لا يابعد كل الأحلام = نجني حصايد غرسنا والأماني

[/poem]
ناصر آل جمان