لامن نويت اكتب رساله مفيده=ختمتها بإجاز وارحت الاقلام
رسالة منها العواقب حميده=تخلف ابيض وجه وابداع والهام
يفرد لها الواعي مكان بريده=العاقل اللي لاذن الفجر مانام

رجال هرجه لاهرج تستفيده
=ورجال هرجه للمسامع تحطام

ورجال لامديت يدك على ايده
=تشعر براحه ودك تمدها عام

ورجال من زرع الحقد في وريده =تشعر بيد كلها خبث واجرام
ورجال تنظر له بعين زهيده =والايام تكشفه انه وسبعة انعام

ورجال وجهه ينعرف من رصيده
 =ورجال وجهه يدفن الضيم مانضام

ورجال متضايق واموره سعيده
=مايدري ان ضيقته من زود الانعام
جال متضايق بضيقه نكيده =وده يشوف عياله بخير مارام
من زود فقره هان نفسه وجيده =ماهمه الا لقمة صغار الاحجام
ورجال لامن مات مات الفقيده =من موتته تبكي الارامل والايتام
ورجال لو بيد القرايب تبيده=موته صلاح للقرايب والاخصام
ورجال ستر يستر اللي يصيده=ورجال يفضح والفضائح له احرام
اردى رجل في العرف ولا العقيده=اللي يزود بالردا بين الاخصام
واشجع رجل من داس فوق الوقيده
=لاجل القرايب يخفي حروق الاقدام
ورجل تهمه صورته في الجريده =ورجل تهمه صورة الربع قدام
الله يدبرنا على مايريده =والله يجعل خير مانعمل ختام
والله يثبتنا على افضل عقيده=اللي توردنا على حوض الانعام
[/poem]
الشاعر الامارتي : جابر بن ناصر