بارق(ن) نوره يقدي ورعاده يزيد
في سحاب(ن) يروي الارض من كثر مطره
كل ما سالت تقفاه همالن جديد
حتى قام يسابق الماء على القاع زهره
له قلوب الناس ضميا وهقوتها بعيد
تنطفي نار(ن) لهبها من الغبن دهره
اعتصمنا واستعنا بخلاق العبيد
ربنا اللي من لجابه على ذنب غفره
واللبنادم من زمان العجايب مستفيد
كل يوم وفيه علم(ن) جديد(ن) مظهره
والرجل لا قام يجمع من العزه رصيد
ينتقي من كل عليا وناموس ثمره
ينقل علومه مع الناس ذعذاع النويد
الفعول تجمله والزحول تقدره
ومن عشق داره شمخ بين سيد وبين سيد
مستعد يضحي بكل شيٍ يقدره
والوطن نحمي حدوده وقاعه حيد حيد
والله انه في عيون السعودي جوهره
دونه نفادي بالارواح ونضد الضديد
وان دعا الداعي صفا اعدا البلاد نعكره
تحت رايت سيدي راعي الراي الرشيد
خادم البيتين عزز بلاده بضفره
يا ملكنا طاب فالك عسا عمرك مديد
ما وقف وقفاتك الشامخة ولد مره
انت سلمان الحزم وانت محزمنا الجويد
وانت عز الدار واسلاحه اللي نذخره
والسيوف اللي بيمناك يالراس العنيد
كل واحد في نحور المعادين اشهره
من محمد لا محمد على الشور السديد
اشهد انهم للزمن والحكومه مفخره
عزوةن يهابها كل شيطانن مريد
كم مقامن من صطرهم يدقون نحره
يوم صاح الجار وين المعاون والعضيد
وانتخا تكفا يا سلمان من زود قهره
احتزم بعضوده اللي على الباس الشديد
العظيم تمجده والعضال ميسره
وابترم حلف له امجاد وشبوحه بعيد
لجل يدري خاين الدار واللي وزره
بان والله ما يجيب الهقيد الا الوقيد
ووالله ان نهدم عروشه ونلعن كوثره
ما نهاب الحرب والموت في حبل الوريد
يدري انا لوبغيناه جينا بخبره
ما علينا من زهيد(ن) تعاون مع زهيد
ابقره واللي مشاء معه في الدرب بقره
ما درى انا في نعايم وخيرن ما يبيد
بمر ربي جل شانه تعالى نذكره
والسعد والخير ذا اليوم في العيد السعيد
راس تنوره بزين العطور معطره
تحت هيبة قايد عن وقوفه ما نحيد
ماخذن من راس نايف عزومه وسطره
كن فعله قال ( ماللحديد الا الحديد)
لين شرق المملكه من عزومه طوره
جعل تسلم يا ولد راعي المجد التليد
دامت الشرقية بطيب فعلك مفخره
الشاعر/ تركي بن مشوط
(
(
