يومك قلطت فـ مجلس التاجر الفُلْ
عينك من الزلّ الحٓمَر وش خطبها

اليوم عينك لو جلب ضيقها الزَلْ
بكره ورا عوج النصايب هدبها

منت الوحيد اللي شكى الفقر و القِلْ
إنفوس واجد .. ثمن الله تعبها

طنّش و من دنياك هذي .. خُذ و خَلْ
لـ أرزاق ما غير الله اللي كتبها

تراك ( إنس ) و تفهم الدُق و الجِلْ
و بـ أعطيك حاجاتٍ ما غيرك كسبها

الهرش لو له عقل .. ما عاشر الذِلْ
وسط الشبوك الشايكات و خشبها

وقيمته أكثر .. عند شرّايت البلْ
من قيمه أغلا بيت في سودة أبها

لو للجماد قلوب تشكي من الغل
كان الشجر ما احدٍ يهون غضبها

فـ القيض تلقانا ندور على الضل
و ان الشتا ننسى و نحرق حطبها

عبدالرحمن بن صايمه