وقلب يالي صاحبته الهواجيس
تارد عليه جموع ماهي فراده
وردن معاطيش عدتهاالمراميس
في لاهب الكنه تحالا براده
قامت تزاحم مقرعتها الحواريس
ازريت ازيح الهم صعب جهاده
وهني ملا حس بصدره حواسيس
لايابغا نومه يجر الوساده
ونا اليما نعست جتني كوابيس
عيت تفارقني ولو في العباده
يالله يلي ذكرك يدحر ابليس
هون على قلب تزايد عناده
من خلقته ماهاب شين ولا ريس
عيا طموحه مايخالف مراده
عزمه يقوده يم روس النواميس
ماينثني عزمه ويتعِب جواده
مال الطموح وحدود ويضا مقاييس
مادام للرجّال رغبه وإراده
راس الهدف لوكان دونه محابيس
السهل هين والصعايب رياده
من لا عشقها ماتجي له مراويس
عسراتها هانت وصارت سعاده
احبها لو هي شداد ومتاعيس
متربي في بيوت عز وقياده
شيخان عز ماتهاب المقابيس
منهم تعلمنا وأخذنا الاشاده
العز تاج ما ترومه مفاليس
من عز نفسه رام مجده وساده
ومن هانها لاينظر القدر لاديس
مجلاس عز ولانثيلت رماده
ممشا لحالك ولا مرافق مدانيس
يالي تبي المضمون جاتك الافاده
من شاعرٍ جاب البيوت المتاريس
وصلوا على الي جاب نطق الشهاده
محمد الي درس الدين تدريس
الشاعر/ وازع حمد بن شري
(
(
