الرأي - أمل الشمري  

ودي اسلا فالمقابيل والوقت مغشوش
لمعته لو تعجب الناس ماوثقو بها
•••••••••
الزمان يدور والضحك معه يدور بوش
والظروف تحد الاخيار عن ماجوبها
•••••••••
اتقوى واثني الساق واواجه واهوش
عل دورات الليالي يزين اسلوبها
•••••••••
واثرها تكره هل الطيب وتحب الدفوش
واتوّطا من يلقي بوجه صوبها
•••••••••
لين راح الصبر من كثر ماجاه معروش
شجرةٍ حتت ورقها وهي يادوبها
•••••••••
شالعٍ قلبي هوى البدو صلاح الطروش
في مساسٍ يلعب الطير فوق عشوبها
•••••••••
مختلط نبت البسيطه ومنبات الدخوش
يسفهل الخاطر الغلق يوم تجوبها
•••••••••
كن وجه الارض من عقب همال الرهوش
الثقال اللي تشيل المطر ف نصوبها
•••••••••
كف عذراً في ضحى العيد مطغته النقوش
ماتفرق بين نقشه ونقشت ثوبها
•••••••••
سجةٍ معها عن الضيق وعيال الخدوش
راحةٍ تاخذك معها على عرقوبها
•••••••••
تنسرق لو انها بين نيبان الوحوش
لو تسوق به الرياجيل دم قلوبها
•••••••••
لو درت عنها السلاطين حكام العروش
داحمتنا في هواها بحيد جنوبها

•••••••••

الشاعر/ سعود الشطيطي