ياحي ياقيوم يا مزهوم يانعم النصير=انت الرجا والملتجا في اليسر والا في العسر
تحفظ لنا قبلة عباد الله والحق المنير=ديرة نبي الله واصحابه ابو بكر وعمر
وعثمان جهز جيش يرفع راية الله الكبير=وعلي ابن عم لأطهر خلق ربي من بشر
اقبل دعانا يا اله عن خفا الخافي خبير=واجعل لنا في الموقف الغصاب من عندك صبر
من بعدها ياسيدي سلمان لا صاح النذير=يافزعة اللي حدته دنياه واصبح في خطر
ابشر بنا يابو فهد والعز من رب قدير=في جو والا بر والا نغوص في جوف البحر
واللي طمع في حدنا يشوى على نار سعير=ماعاد نبغي له على سطح البسيطه اي اثر
هذا العدو لا قيل في العدوان خوان وحقير=يبيع داره لعنبو داره حيالات وغدر
عز الله انه جاك منا درس منقطع النظير=بتموت وان ما مت ماتنساه لو طال العمر
والله يعز ملوكنا وشيوخ علٍم تستنير=احكامهم من سنة المبعوث وسطور السور
مانعبد المخلوق والغاوين مامنهم شوير=امنيتي نبغى شهادة عز او فوز ونصر
يا امة الاسلام اعيدي مجد خالد والزبير=وهيبتك بإذن الله ما تروّح هباء. منتثر
عهدٍ على شيابنا ماضيعه عود وصغير=والله امرنا بطاعته والرسل وولاة الامر
عبرت انا بأبيات شعر جات من وسط الضمير=مضمونها تشجيع ورساله وانا كلي فخر[/poem]
زيد بن وازع الظلافيع الجربوعي