تضيق الهجوس وتنفجر بالكلام الزين=واهجرس بمكنوني وفكري تحداني
على غير عاده … ننعي الحي … والميتين=وبيت الشعـر … ما ساعـد الحي ..والفـاني
كدار الزمان … الشين … والاّ كدار .. العين=توالت .. كـدار .. الاولي … بعـده … الثاني
يا ليل السعـد يا ليل الاتعاس حين وحين=تمرين …. ما كنك .. تحسين … بالعـاني!!
غشيت المكان اللي حواني.. وبيت الطـيًن=ونبع الحنان اضحى ….يهجرس على شاني
يا يمه فدتك الروح …واحلف عليها يمين=وهذي هي امـي طـول عمـري …. تفدّاني
انا ما نسيت اللي .. مضى يـوم … كنا فين=نكادي زمـان المـرّ … في كــل … ميـداني
تذكرت وامي .. تجلب المـاء لنا امن العين=ومن قاع ذيك البـير …. واشرب وانا هـاني
تحوف البلاد .. وتحصـد المـد .. والمدين=وناكل .. وحنا في ذرى .. البيت .. ورعاني
تذكرتها … تسـهر علينا على .. الكوعين=تمرّض وترعى .. لاجل ورعن .. وشيباني
يا يمـه يا نبـض القلب بين القسـا واللين=اجد فيك جنه .. تحتـويني .. وتحمـاني
حقوقك كثيره .. والحقايق لها محصــين=يعدونها … والله يجازي … بـالاحســاني
الا يا الله ارشدني … وارد العطا … والدين=لوني … ضعيـف الحيـل … ربي تـولاني
[/poem]
بقلم / الشاعر عبدالله عطية المالكي