“راكب اللي” قصيدة للشاعر محمد بن لقفص العمري



الرأي - أمل الشمري

راكب اللي لا مشت كنها طير يطير
من ملك مفتاحها فتح له باب الغناة
••••••
ما شراها غير رجل غني ولا وزير
ما تجي للي على راتبه واللي كماه
••••••
حين جتني قلت هذي دوا الشخص الضرير
والله انها تجلي الهم من خافي حشاه
••••••
بانوراما فارهه نوعها ماله نظير
هي مراد اللي كوت قلبه اتعاب الحياة
••••••
شفتها وامست وهي داخل الضلع القصير
وارتبشت وقلت يا حظ من ربي عطاه
••••••
ودي املكها حلال ولا معها خشير
واهتني نومي وقلبي يحقق له مناه
••••••
بس كلمة ليت ما تغني الشخص الفقير
والتمني مركبة من توانت بها رحاه
••••••
هاجسي ضوا عليه من الوجد الكثير
لين ضقت وقلت يا خالقي منك النجاة
••••••
والتمني للفقارى رحاته تستدير
بين من يبني قصور(ن) ومن يشكي بلاه
••••••
لكن العاقل اذا شاف شي يستخير
ون عسره ابليس والنفس يرجع للصلاة

••••••

الشاعر: محمد بن لقفص


1 التعليقات

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح