قصيدة للشاعر طلال سعدالله العضياني



الرأي - الرياض

يالبيوت النادرة بالتحدي كيف كيف
‏كيف اعسفك عسف لين اتهوين اوراقيه
••••
‏شاعرك يدله مع الحزن والخاطر عنيف
‏وماتنام اعيونه إلا مع الاشراقيه
••••
‏اتعبه درب المحبه و سببله نزيف
‏وانهكه درب المواعيد والا فراقييه
••••
‏ياصباح النور والعطر فالجو اللطيف
‏وياصباح الورد يالورد فوق الساقيه
••••
‏انتي اجمل من ورودن نمت برض المصيف
‏مالك امنافس هنا فالعباد الباقيه
‏••••
بالوصوف اليوسفيه وبالذكر الشريف
‏مع بنات اليوم متصدرة ياراقيه
‏••••
انعميت بزينك الحلو لو ماني كفيف
‏وتهت بوصافك وصارت عليه شاقيه
••••
‏ان بديت الوصف بالعنق والخصر النحيف
‏وان بديت الوصف بالعين فيه الحاقيه
••••
‏والبياض اللي كما البرق فالمزن المخيف
‏والجديل اللي على المتن والاخلاقيه
••••
‏والكلام العذب والثقل والساس النظيف
‏بذمتي مالك شبايه على الا طلاقييه
••••
‏وطحت في بحر المحبه وانا قلبي خفيف
‏ماتحمل طعنت الحب وسط اعماقيه
••••
‏والغرام اشد من ضربت السيف الرهيف
‏ساعتن فيها تحدي وقطع اعنااقيه
••••
‏والختام اقول يسعد من جالك وليف
‏صرتي اله عن النسا كالدروع الواقيه
‏••••
الشاعر: طلال سعدالله العضياني


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح