قصيدة “العصف والتيني” للشاعرة الشموخ الراسية



الرأي - أمل الشمري

البارح انا لذيذ النوم جافيني
ليا طلعة الشمس حلو النوم ماذقته
••••••
بهجسٍ يجي لي وهاجوسٍ يوديني
كن علوية هبوب القيض سايقته
••••••
بمنظوم شعرً طواريقه تخاويني
لا راق مخي على معناه روقته
••••••
اقسم برب الفلق والعصف والتيني
مابعد الاشراق غير غياب مشرقته
••••••
واللي حياته يقضيها بوجهيني
مهما يحاول يضيع وينتهي وقته
••••••
والذره اللي تميل ابها الموازيني
بالخير والشر يلقى وزن سابقته
••••••
وكم واحدً كنت اعده طاح من عيني
مطيح نجمً خيار اسماه فارقته

••••••
الشاعرة: الشموخ الراسية


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح