[CENTER][COLOR=#FF0800][SIZE=5][CENTER]جبالنا ترفض غلا ترابك يهان!!!!![/CENTER][/SIZE][/COLOR]
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

المملكة يادارنا خير الأوطان=الجدي ثابت للبشر و اهتدوبه
رايتنا توحيدنا فوق الأديان =بشرى السحاب اللي تسوقه هبوبه
تنفك من صدري القوافي والأوزان =لكنها في رضاك زادت عذوبه
حكامنا تلايد المجد بأثمان =تشري مكارم للرجال مهيوبه
تراث ابو تركي عما كل خوان=سربال ملك ضافيٍ ولبسوبه
لايامنا في عهدهم لبس شبان=من بعد عصر فات لوح بثوبه
هنيت ابو متعب سلايل كحيلان=لا باس بعد الباس عفو ومثوبه
هنيت باسم الشعب نايف وسلمان=للعز يا جنحان صقر العروبه
نايف ولي العهد للعهد صوان=بيده زمام الأمن فكره ودوبه
سلمان جيشك للوطن درع وكنان=دايم فعوله للحدود محسوبه
وخالد ولد سلطان كم موقفن بان=مقاتل الصحراء وتشكر دروبه
صوارم الاسلام من كل عدوان= على بهيم الليل صارت شبوبه
اليا عطت إيمانهم طيب وإحسان =فيها على الضد جور وعقوبه
اليا مرق فالدين زايف وعميان=طاحت شياطينه وما تت ذنوبه
جبالنا ترفض غلا ترابك يهان=شرقك وغربك والشمال وجنوبه
ميراثنا كعبه وطيبه و قرآن =لا عاد جند ابليس ظلل شعوبه
[/poem]
[B][SIZE=5][COLOR=#061B9B][CENTER]الشاعر ناصر آل جمان[/CENTER][/COLOR][/SIZE][/B][/CENTER]