[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=0 line=0 align=center use=ex num=”0,#400000″”]

اعزي عُرى الاسلام في عايض القنطاش =واعزي الغيارى والعرب فيك يالهامه
واعزي لربعي والمراجل وكل فراش=وطيته برجلك تطلب الخير وزمامه
واعزي لنفسي فيك يا مبعد المطراش =عسى مسكنك روضه من الخير وانعامه
واعزي شيوخٍ موقفك عندهم شوّاش=حضورك سنام ومنطقك طب علاّمه
وحسبي عليك الله يا طلقة الرشاش=جعلتي سبب والموت ما عنّه درهامه
وانا بشهد انه فقد حاكم وراح طياش =وهاذي علاماتٍ بقرب القيامه
يروّح عزيز القوم سبة جهل وعراش =وهو ضافيٍ شقه ولا يلحقه لامه
فيالله ياجاعل ثيابه بياض الشاش =برحمتك تقبل عذر عايض من آثامه
نخينا جنابك يا كريمٍ عطاك بلاش =ملبي طلب من يرخي لوجهك الهامه
وتمت وصلى الله على محمدٍ ما عاش =بها الارض من نفسٍ طمان ولوّامه[/poem]

مذكر النهاري
١٤٣٤/٤/٢هـ