” افتراضي شبيت ضوي ” الشاعر معيض بن دشن



يـامـاحــلا الــبــراق فـــــي عـــــرض نـــــوي
هـلـت ثعـولـه وافـرحـت كـــل عـســاس

لاجـيـت فــي روض(ن) وشـبـيـت ضـــوي
وسويـت فـي الرسـلان مايقعـد الــراس

اقـــــــرب الـــبــــن الـيــمــانــي واســـــــوي
وآقيس حمس البن في وسط محماس

وجـريـت صــوت(ن) فــي الـبـراري يــدوي
في صيهد(ن) مافيه شبك(ن) وحراس

بـعـيــد عــــن مــوجــات بــــث الـمــقــوي
مـا فيـه وآتسـاب(ن) ولا نغـمـة اجــراس

مــعـــا خـــــوي لـــــي لــيـــا صـــــار تـــــوي
محـزم ظهـر عسـاه مــا يـعـرف الـبـاس

هـــــذاك مـطـلـوبــي وهـــــذاك جــــــوي
قـبـل الرحـيـل وقـبـل حـبـاس الانـفــاس

اخيـر مـن اللـي فــي المجـالـس مـهـوي
سـوالـفـه مـــن سمـعـهـا راح مـحـتــاس

إلــيــا هــــرج جــــاب الـمـطـمـه مــضــوي
مـا خـاف منقـود(ن) ولا شـرهـة الـنـاس

مـاطـيـق مـجـلاسـه واشــوفــه عــــدوي
لاصـــــــار ماللهرج مـــبــــدا ولا ســـــــاس

الشاعر/ معيض بن دشن


4 التعليقات

إنتقل إلى نموذج التعليقات

    1. 1

      ارحب ياشعر ديوانية قحطان ومجملنا في المناسبات وغيرها

      (0) (0) الرد
    2. 2

      ماشاء الله قصيده جزله من شاعر جزل وابو عبدالمجيد غني عن المدح والتعريف

      (0) (0) الرد
    3. 3

      صح لسانك وبيض الله وجهك ولا هنت ابا عبدالمجيدعلى القصيدة اللتي تجملك وتجمل من مشى معك

      (0) (0) الرد
    4. 4

      أقرب البن / أقيس حمس/ احمس وسط محماس/البراري/ صيهدن/……… النتيجه عمل فنجال بن يقعد الراس… هي رغبة الشاعر كغيره من شعراء البن و الارض القفر وأعلى المراقب.. والذود .. وصوت النجر ..وغيرها لكن لو تم منع هذا الشاعر من الجوال والواتس كما يقول لأ صابه صداع وقلق … ولو ذهب ليقيم في ( صيهدن) لن يكمل ليلته الثالثه إلا وهو ( راكبن ) موترن ليعود بأسرع وقت للمنزل ليتكئ على الفراش الوثير كما هي صورته الموضحه .. ويستبدل فنجال البن بكأس نعناع …

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح