رفيقي اللي يجمَّل ساعة الريبه =ما والله اصد عنه لا بداء شانه
واللاش لو هو من الاقراب ما ليبه=واهل المناقيد دوم الدوم خسرانه
من قدم الطيب مايندم على طيبه =والطيب ماهو غريب عند عربانه
شيخ المواجيب له عند العرب هيبه=والا الردي مايهابه غير بزرانه
لو يذكر اللاش كلٍ قال والخيبه =البيت مايثبت الا فوق سيسانه
الحر لو هد عِزه من مخاليبه =وطيب الفتى ينعرف من طيب جدانه
راعي الجمايل جميع الناس تدريبه =واللاش لاشٍ وراسه وعند كرعانه
نهج الوفاء ماجميع الناس تمشيبه=العز كايد ولا له غير فرسانه
اليا ضوى الليل ما كلٍ بيسريبه=وما ركل رجلٍ يرحب تو ضيفانه
والاشناب فيها بعض الاحيان تركيبه =وما كل طيرٍ رفيع الضلع مزبانه
واللي يعيب العرب مصيرها تعيبه =من يشذب الناس ماله عندها خانه
حنا عجزنا من الوقت وتجاريبه =الوقت كم غافلٍ حطه له ارهانه
كم غااالي دورة الايام تقفيبه =العمر محسوووب والايام خوانه
ما يضمن الوقت من زانت مراكيبه =كم فارسٍ حط حمله من على امتانه
ياجعل عد الروى تصفى مشاريبه =وراع الوفاء عقَّب اللي رد جيهانه
والوافي اليا تعب مااحدٍ بيسخيبه =والحنظله عمرها ماجات ريحانه
ومن هو تعذر ليا بااانت مواجيبه = لا هو بمنا ولا حنا بخلانه
[/poem]
04/04/2015
“تجارب شاعر” قصيدة للشاعرحمد بن فرجه العليي
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=2 line=0 align=center use=ex num=”0,#400000″”]
لا يوجد وسوم
(0)(0)
وصلة دائمة لهذا المحتوى : https://alraynews.net/531421.htm