من قبل خمس سنين عاهدتك أنساك= لكني أخلفت العهد ما نسيتك
ياما .. سهرت ومرني طيف ذكراك= ياكثر ما جيت بخيالي وجيتك
اذكر خجلك وبسمتك همسة شفاك= واذكر كلامي لو لعلك وليتك
واذكر هنا مدري هنا مدري هناك=كم ضعت بك واحترت بك كم لقيتك
لاحظ وانا جالس اضيعك والقاك= لو تهت عن كل الدروب اهتديتك
حتى عرفت اللي تضمه حناياك=لاخفيت شيٍ في عيونك قريتك
اغليك احبك أعشقك موت واهواك= لو كنت تجفاني وانا ما جفيتك
بالله قل لي من يسوي سواياك= ي اللي بنيت بداخل القلب بيتك
ليتك شعرت بحالتي يوم فرقاك= يوم انتهى ليل المواجع بديتك
اذكرك ثم اذكرك واذكر ولا انساك= تبطي وتبطي تنتظر مانسيتك
ومع كل هذا باقيٍ شي يخفاك= مهما تصد وتبتعد ما بكيتك[/poem]

نايف كسار الجزاع