ياجارنا لاصحت جيناك عجلين =مثل الصقور اللي تعشق الهدادي
فزعاتنا عجله على الضد صلفين=يحرم على العدوان ذوق الرقادي
حن نصرة المظيوم في العسر واللين=لما نخانا مايشوف الزهادي
ناطا على خشم المعادي بثنتين=عقيدة فينا وحب الجهادي
دون الوطن ومقدسات المصلين=ارواحنا ترخص وكل العتادي
افعالنا هدت عزوم المعادين =من يوم كانت بالرماح الحدادي
وش عاد يوم ان اليمن صار مابين=نار الزيود ودعم شلة نجادي
يامرحبا بالموت واهلآ وسهلين =دون العروبه وامن كل البلادي
مليكنا يامر وحنا ملبين=الين ناصل شفنا والمرادي
ومادام ابن سلمان نسل السلاطين=فارقد بنومك يابن منصور هادي
ابن المليك اللي يدك الميادين=يوم انتخى جابك بقدح الزنادي
مادام فزعتك الرجال الوفيين=فأنت بأمان بأذن رب العبادي
اخوان نوره لاغدا الوضع وضعين=باذن الولي تسلك طريق الرشادي
وحنا قبايل يام ع الحد صفين=صف دروع وصف ثاني مفادي
من دون حد المملكه مستميتين=وقفاتنا تبري عليل الفوادي
وعهد علينا ياليمن ماتروحين=مادام فينا للمعارك قيادي
[/poem]
علي بن جمه اليامي
18/05/2015
“عاصفة الحزم” للشاعر علي بن جمه اليامي
[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=1 line=0 align=center use=ex num=”0,#400000″”]
لا يوجد وسوم
(0)
(0)وصلة دائمة لهذا المحتوى : https://alraynews.net/553091.htm
