كل ماقلت انتهينا وطاب الحظ طاب=يحصل اللي ماتوقع حدوثه حيث حيث
السؤال اللي طرحناه ماحصل جواب=والجحود امر وادهى من الضيم الخبيث
والعداله والنقا ياعزيزين الجناب=مابقى منها يكون الغبار من الحريث
ياوجودي وجد من طاح قدام الحراب=وجد من غثه زمانه وحده للغثيث
ماشرهت إللا على شخص والباقي زهاب=اعرف الحرف المذكرمن الحرف الونيث
والسفا والعج ماهو يجيك من السحاب=مايجيك من السحايب سوا همال غيث
والذرى من يقصده من ورى عش الخراب=مثل من هو يطلب الورث ماهو بالوريث
والتماني ماتزود رصيد(ن)في حساب=والمراجل تبغي الصبر والسير الحثيث
ﻻ وردنا ماقطعنا ضمانا من سراب=مانعلقها على كل معﻻق(ن) رثيث
ومن يقول ان باب عرفه يغلق كل باب=من علومه ودي انفث على وجهه نفيث
ان صحى وﻻ قرينا عليه من الكتاب=ومارواه الترمذي والبخاري من حديث
[/poem]
محمد بن عمره الجابري