الله من قلبٍ كثيرة دعاويه =خطرٍ لو ان ضلوع صدره منيعه
كثَّر عليه الوقت وابدا شكاويه=سوا له بعمره سواةٍ شنيعه
لو مايقينه بالإله ورجاويه =وتمسكه في سنته والشريعه
غدا البليد اللي لها مع لهاويه =مضيع ٍ مابين سنه وشيعه
الوقت ياللي من كلامك تلاويه=لاووه غيرك لين ذبوه ريعه
بالك يغرك قو زندك تقاويه=تقول باضّيعه ثمن تضيعه
بانت بغيرك يالسنافي مساويه =اضاعه الصانع وضيع صنيعه
وحنا الأمل لا ماقطعنا رشاويه =وديارنا عند الأماني وديعه
والسيل لوانا نجي في نحاويه=حال وحلال القوم روح جميعه
[/poem]
روز العبدالله
(النجلاء)
(
(
