ليت مابك صابني وسط العروق
يا ضياء كوني ويا ضحك الشفاه
يا رضاء ربي ويا نبض الخفوق
يا صدى صوتً ويحيني صداه
ليت ماتنفع لكّن الرّب فوق
يعلم الخافي ويعلم ماوراه
ليت ماياتيك من ضيم وشفوق
كلها فيني على طول الحياة
انتي ياشمس السعادة والشروق
يادواء قلبي وياغاية مناه
امي امي كم علي إلها حقوق
باب للجنه ويابابٍ النجاه
انتي الهتان وارضاك البروق
وانتي نهرً ما أعيش الا بماه
انتي نورٍ في وسط قلبي يفوق
نور بدر الليل في كامل صفاه
ان لفيتي كني املك ما اشوق
انتي الفرحه وذخـري والغناه
ياطريق النور لي في كل سوق
فرحتي في نجد ولا في السراه
والمدح عندي لغيرك مايلوق
لانك اغلى كل شي في الحياه
(
(
