يلله تقدينا لطاعتك ورضاك
واكتب لنافي صفحة الخير توبه

من حيث لو جت ساعة الحشر نلقاك
راضي علينا يامصرف هبوبه

من بعدها ياخاطري ويش دعواك
عطني الدﻻيل واسمع ايش العقوبه

اما يجيك الحل ويحوز برضاك
وللا يجيك الماءهماجآ شروبه

والحق مايرضي له 2 ياذاك
والروح دايم غالبه ومغلوبه

مره طليبك بعض اﻻحيان ياﻻك
ومره تسوقه مثل سوق الجلوبه

ﻻشك باهدي لك وصايا بدنياك
نصايح(ن) للطيبين محسوبه

اﻻوله تكمل فروضك لموﻻك
حامي رسوله من طغاتن عدوبه

والثانيه ﻻمك لها الحق واباك
إللي عنو بك في سنين الربوبه

ﻹن السعاده حين يرضون تبراك
والخير منك ماتسكر دروبه

والثالثه جارك ليا صار بحماك
غض النظر من دون كشفك عيوبه

والرابعه لو جا خويآ وخاواك
لين جنابك وانفعه بالصعوبه

خصآ إذا كانت مزاياه ترفاك
فﻻ تكدر بالموارد شروبه

والخامسه لوجاك مبلي ونواك
احمه ولو طﻻبته قد دروبه

لو هو عدو وزلته في دناياك
احم الذي روحه عليك مغصوبه

ﻹن البﻻوي تجعل الرجل ينصاك
وﻻ انتهى سلم الشرف والعروبه

ياسامع(ن)قولي خذ العلم واياك
واحفظ وصاتي لو تطول المغوبه

إن ماحصل شربك على كف يمناك
الناس لك ملح(ن)يشرع جبوبه

كم من صديق(ن)يمدحك حين يلقاك
وان رحت شق بغيبتك جيب ثوبه

هماز لمازن على القول نمااك
نفسه عن الهرج الصحيح محجوبه

وان قال خذ قوت من النحل في فاك
خل العسل وافتك من شر نوبه

وﻻ تجامل ضايع الراي لو جاك
عطه الكﻻم اللي يجي في نقوبه

ﻹنك إذا جاملته اشغلك واذاك
وفالساعتين يجيك عشرين نوبه

وان شفت مخلوقآ من الناس يشناك
سد الطريق إللي توديك صوبه

ورزقك على اللي فالبحرعاش اﻻسماك
وانشى المطر من ما تخفي نصوبه

وصلو على من شع نوره باﻻفﻻك
طه الذي كل العباد اقتدو به

الشاعر/ محمد بن عمره الجابري