يا صاحبي يا معرب الخال والجد
خلك معي ساعه نحدد وعدها
***
واسمع نصيحة واحد يحسب لغد
له تجربه في ذا الحياة ورغدها
***
لا تزعل الدنيا ترى كلها كد
تتعب قوي العزم واللي طردها
***
واعلم ترى في داخل الناس موفد
اما سعى للخير ولا نكدها
***
فلا تأخذ الكلمه على محمل الجد
إلا إذا صحت رواية سندها
***
كم كلمة من جورها يحصل الرد
وتموت فكرة صورت في مهدها
***
من عقبها يوصل علاج الوفاء الحد
ما بين مضمون الجروح وضمدها
***
ويصير شئ يتبعه حاوي الضد
يلغي حروف ما حسبنا عددها
***
واللي عن اسلوب المخاليق ينشد
وش مقصده في هفوة ما حمدها
***
عليه يرجع كل علمه ولابد
انه يداري كلمه قد رصدها
***
ما كل من يكشف لك البارح السد
يكشف لك اللي غلها في كبدها
***
والنفس قشرى لا بدأ صوبها الصد
يمكن تصد سنين عن مضطهدها
***
فوارق بين البشر حكمها المد
والمد بعض احيان يظهر جهدها
***
وانا مساري ما يناسب هل الهد
انا ابني الخوه واثبت عمدها
***
واللي يناصحني فأنا اقول له زد
وأقول له عيد النصيحه وزدها
***
والكامل الله ما أعتقد قد كمل حد
والنقص وارد في النفوس وجسدها
***
وختامها يا معرب الخال والجد
لا توعد العالم وتنسى وعدها
***
غرمان بن عزيز
(
(
