يالله ياللي كلنا لجل مرضاته سجود
واحداً يعلم خفايا البشر واسرارها
****
ترحم اللي مات دون الوطن يحما الحدود
فارساً يقدم على المعركه وأخطارها
****
دايمً وازع بطيبه على الطييّب يزود
والصفات الطيّبه جامعن اخيارها
****
أشهد انْ ذكره ينومس وخلق الله شهود
جامعٍ الدين والمرجله بدوارها
****
والله انّه فخر لو انْه من تحت اللحود
الرجال اهل الوفاء ماتموت أذكارها
****
يالله انك ترحمه يارحيم وياودود
عدّ من صلى بمكه ومنهو زارها
****
ويالله انك تنصر الدين وتعين الجنود
محتمين الحد والحرب تشعل نارها
****
محمد بن جبران الضلافيع
(
(
