الرأي - مضواح بن شتوي
حنا علينا حق والحق موجود
حق الوطن بقلوبنا ذاخرينه
•••
من يوم عاده جرهديات وانفود
يحفظ مكارمنا وحن حافظينه
•••
واليوم من فضل الولي حبه إيزود
واصغر مساحة قلب مثل المدينه
•••
يابو فهد سلمان ياسلالة العود
يالله طوّل ياإلا هي سنينه
•••
سلمان سلمان الحزم فكر واجهود
و لي عهده سيف عز بيمينه
•••
الكايدة عنده سهالات ومهود
حقه علينا نطلب الله يعينه
•••
وحقه علينا كل شجعانه اجنود
الطيب من جدانهم وارثينه
•••
وفي كل ذكرا عام توحيد وعهود
على الكتاب المنزل مبايعينه
•••
بيعة ولأ منها زعل كل نمرود
لا شافنا لا مر الملك طايعينه
•••
وحنا على اطراف الوطن درع وسدود
وفي داخله نحميه ماحن نهينه
•••
الشاعر/ عوض بن دشيل الحبابي
(
(
