يالذكريات القديمة دفي ضلوعي
البرد يصقع بصدرٍ شاقه الشبه
•••••
هذاك رجمٍ ذكرته عايش طبوعي
يوم ان طبعي غريبٍ ماحدٍ حبه
•••••
أصب لي واتقهوى والقط قدوعي
واجر منكوس حرفٍ في رجا طبه
•••••
اسيح لي بالفكر في نفس موضوعي
يا كيف اسج وشعوري محكم الضبه
•••••
ما يسعد الخاطر الا جودة النوعي
والناس في شفهم كلٍ. على. هبه
•••••
واللي حسبني حسابٍ ماله ربوعي
يا كيف غيمٍ بخيل يجوِد الصبه؟
•••••
اللي تعود يسوق القلب في طوعي
من كل نبضٍ غصون (الود) تلعب به
•••••
انا على العهد لو ضحيت بهجوعي
والذنب للتايب اصعب له مع ربه
•••••
اجوع واسري بزادي وارجع بجوعي
و الذوق. ما له نصيبٍ عند من كبه
•••••
يا مسامحي يادواي وسالي دموعي
يا لحظةٍ كافحت من داخل الغبه
•••••
هاك القمر والطعوس وحزة رجوعي
واعطيني الجمر والميلاف والجبه
•••••
يالذكريات القديمه يبست زروعي
الأرض صبخه وناري فيك مشتبه
•••••
الشاعرة/ دلال القحطاني
(
(
