الرأي - الرياض
المملكة شيخة الدنيا وسيٌدها
سبحانه اللي عطاها الجاه سبحانه
•••••
راس العروبه وملجاها وقايدها
مثل الاخو اللي يظلل ظله اخوانه
•••••
ارقا مشاريع في الدنيا تشيدها
واللي ماصدق يطوف البيت واركانه
•••••
تدري بها الناس صاحيها وجيدها
لولا ثقل وزنها مال العرب خانه
•••••
هي سيدة الأرض حتى في عوايدها
أطهر تراب رفع رب البشر شانه
•••••
حتى هل الشعر تبدع في قصائدها
كم شاعر محترم صح الله لسانه
•••••
تمد لاهل النقا واهل الوفاء يدها
مخازن الخير مفتوحه ومليانه
•••••
واللي جحد طيبها وانكر فوايدها
وهمش مواقيفها ويطيع شيطانه
•••••
يلقى رجوله بيدينه مقيدها
مايدري الا وراسه عند كرعانه
•••••
الشاعر / مضواح بن شتوي
(
(
