يوم الاحد خامس عشر ذي الحجة اللي قد عبر
عا م الف قبل اربع ميه واثنين بعد الاربعين
••••••••••••••••
الليل يوم ارخى سدوله وانبلج نور الفجرية
جانا الخبر كالصاعقه ونقول يالله يامعين
••••••••••••••••••••
رحل محمد يالله ان تعين من قام وصبر
والعفو والغفران ل محمد فقيد الخيرين
••••••••••••••••••••
الشامخ اللي سيرته مثل البحر ماله قعر
من غاص في غب البحر بيحصل الكنز الدفين
••••••••••••••••••••
هذا محمد صفحته بيضا من علوم الفخر
الدين مخلص والكرم عنده مع القول الرزين
••••••••••••••••••••
والله عطاه من القبول اللي ملا عقول البشر
والنور في وجهه ومنطوقه كلام الطيبين
••••••••••••••••••••
والصبر والحكمه ولين الجانب وبعد النظر
ميزه من الرحمن لمحمد سليل الغانمين
••••••••••••••••••••
يالله ياربي ومعبودي ياخلاق البشر
تغفر ذنوبه واقبله مع العباد الصالحين
••••••••••••••••••••
واونس له الوحشة ووسع له بهاذاك القبر
مد النظر مع كل وجهه من يسار ومن يمين
••••••••••••••••••••
فقده علينا مثل فقدالشمس باليوم الاغر
لكن حكم الله قوي وحنا لحكمة مذعنين
••••••••••••••••••••
خلف له رجال ن تشوق العين ماتهاب الخطر
فيهم سمات العود والخوه تسر الناظرين
••••••••••••••••••••
والختم صلى الله على محمدرسول ن معتبر
اختاره الله للرساله واكمل الدين اليقين
••••••••••••••••••••
أخيه / سعد بن شايع بن جبران آل عادي
١٤٤٢/١٢/١٩هـ
(
(
