الرأي - الزياض  

يالله يامطلوب ياعالي الشان
تحفظ بلدنا من علومٍ دخيلة

•••

مني سلامٍ عد ما هل ودّان
وعداد ما هل المطر من مخيله

•••
تحيةٍ بالورد والعود والريحان
لابو فهد راع العلوم الجزيلة

•••

له الشكر والتقدير والحب والعرفان
على المساعي والجهود الجميلة

•••
يا ليت من سلم على راس سلمان
بحب راسه واشكره وادعّي له

•••
خلا بلدنا عاليٍ فوق الأوطان
يالله عسى عمره سنينٍ طويلة

•••
وعبدالعزيز اللي رقى قصر عجلان
قضى على راس الجهل من طويله

•••
وحد شتات المملكة طير حوران
وغدوا اخوان بين حضر وقبيلة

•••
وحدد حدود المملكة على جيش وحصان

عساه بالجنة مساه ومقيله

•••
يالله عسى من مات جنة وغفران
في جنة الفردوس والله عميله

•••
اشكر ولي العهد شكرٍ وعرفان
يستاهل البيضاء براس الطويلة

•••
اللي يحل المشكلة ليا بدا شان
دايم يحل الصعب والمستحيلة

•••
والله انك قدها يبن سلمان
وانك زعيم و الزعامة أصيلة

•••
زعامتك مابين أبّ و جدان
عز الله انك للحمول الثقيلة

•••
رايك سديد وحكمتك فوق ومعان
وندعي لكم في كل يوم وليلة

•••
نمشي على الرؤية على علم واتقان
يالله عسانا ما ندور بديله

•••
منهج على السنة ودستورنا القرآن
والأمر بالمعروف نصح ووسيلة

•••
وختامها صلوا على نسل عدنان
محمد اللي جاب دين الفضيلة

•••

قصيدة اعتذار لعدم حضور الحفل بمحافظة طريب 

سلامي عليكم عد ما ذعذعت الانواد
وعداد من زار الحرم ليلة ضحية

•••

الشكر والتقدير دايم لاهل الامجاد
اللي لهم في المجتمع مقدرية

•••
ابعتذر منكم عذرٍ صحيح وجاد
عندي مواعيد وظروف صحية

•••
عسى مجتمعكم دايماً فيه خير وفاد
وحنا هدفنا دايم خدمةٍ للسعودية

•••
من حصل الدكتوراة كالعارض المنقاد
جديت وعزومك عليها قوية

•••
كلمات الشاعر / علي بن عبدالله العابسي

ومشاركة في يوم التأسيس السعودي