كبرتي واكتبر ذاك الجمال الباذح المختال
وكِبْرِتْ في فضا نفسي طموحاتي وامالي
وكلن في شعوره من تباريح الهوى يكتال
وانا اللي في هواك اوفيت ميزاني ومكيالي
لقيت الخطوه الاولى بداية قصة الاميال
وقررت ابتدي واقطع مع الاصرار اميالي
على وقع الخطى واخطائها تتعاقب الاجيال
وقلت امشي على الدرب الصحيح لو امشي لحالي
لقيت الناس منقسمه وتتغير بها الاحوال
ما بين الحق والباطل وبين المر والحالي
وانا لا زلت ذاك الشاعر المتمرس الخيال
اروض خيل شعري لين يغدي خاطري سالي
احلق واقنص افكارٍ لغيري ما تجي بالبال
واغنيها وادوزنها على رتمي وموالي
على شأن العيون السود والشعر الذي ينهال
على عرض المتون وينسدل في شكل شلالي
وعنقٍ كنه المرمر تزينه لمعة السلسال
على صدرٍ تجلى بالحلا مكنونه الغالي
انا مالي بكثر الوصف يكفي قلبها الميال
وجسمٍ مثل غصن البان لا هب الهوى مالي
وانا لي قلب لامنِّه رجف يجتاحه الزلزال
ومشاعر صاخبه كالموج ساعة مده العالي
اعانق موج بحر العشق مهما ليل همي طال
وابادر في رضا المحبوب في حلي وترحالي
واخلِّي خيمة اشعاري لميعاد الغرام ظلال
ويبقى عشقي وشعري لخلي مضرب امثالي
تويتر /
@Aseeralteep
شعر
سعيد بن عبدالله الغامدي
(
(
