الشاعرة : هيا الكثيري  

مثل فكرة ، مثل هاجس مثل ضحكة بدون اسباب
مثل غيمة بصدر الصيف كسَت وجه الفضا نفحه

آشوفك اسطع من النور .. و أشرّع للملاقا باب
اشوفك شي ما يُكتب ، ولا حتّى سهل شرحه

اقول لك شي ..! تراك اقرب من انفاسي من الأهداب
ولكن أبعد من النجم .. و حدود السما الشرحه

كتبتك في الطريق حروف بدون أسما ، ولا القاب
هزمني الدرب ، ما قَصْرَت يِديه ولا غَفى جرحه

تعال ان ضاق بك وقتك أنا الصاحب و أنا الأحباب
و أنا كل الوجيه اللي تمرّك تبتسم سَمحه

غريمي الوقت لا عدّا وانا المح طموحي شاب
يجاهِدهْ الشباب ولا قِدَرْه ولا قوا طرحه

عليك الله لا ترحل .. وانا لي خاطرٍ ما طاب
أبلبس طيفك العابر .. ابأخذ منك ولو لمحة

#نفح
هيا الكثيري