الرأي - مضواح بن شتوي - الرياض  

يامعجل الفرع يخصم من رواتبنا
أقل من شهر والميزات مخصومة

****

وعند الزيادات ماشفنا محاسبنا
اعذاره الواهية أحيان مكتومة

****

ايقول صبرك ترى زحمت مكاتبنا
خلت جهاز العمل من غير منظومة

****

من كثر ماعقدونا ياعرب تُبنا
من جيت الفرع واهل الفرع وعلومة

****

ولو صار شيٍ كليفن ما يناسبنا
الواجب الصبر والارزاق مقسومة

****

من يوم حنا شباب ولين ما شبنا
وحنا حماة الوطن والدار محكومة

****

مادام الاعداء من الخارج تراقبنا
حنا سهوم الكبود وكلن ابيومه

****

بإذن الله انَّا بنهزم من يحاربنا
نفرح سواء والملك تقرون مرسومه

****

ناصر علي بن شتوي