الرأي - مضواح بن شتوي - الرياض
ياوجدي وجـد مـن وجـه بحـزة عصيـر
بعـد علـم ٍ جـاه ضيـق بصـدره واكتـمـه
الكبر حده على الخوف من طول المسير
والقهر من ضلم الاقـراب ضـده والجمـه
الهقاوي مبعـده واصبـح اذراعـه قصيـر
حـال عـن مـدة ذراعـه يـديـن مجـرمـه
ويتهقـوى للحقيقـه مـن الرجـل الخبـيـر
صــادق لسـنـه وقلـبـه وتعـبـيـر اقـلـمـه
لكـن اللـي صـار محـد ٍ توقـع لـه يصـيـر
صار بعض الدم مـاء وانقطـع م مرحمـه
ولا جداه الا على الصوت هـم بالضميـر
من وجييه مسفـر ه فـي قلـوب مضلمـه
ليـت للكـذاب شـي ٍ علـى وجهـه يشـيـر
وكـل ضالـم ينجلـط ويتضايـق بنسـمـه
وش بقـا مـا باقـي شـي ينبينـا بخـيـر
كل يـوم اردى مـن اللـي سبقـه بميسمـه
عزتـي للـي لقـاء الـدرب قدامـه عسـيـر
وعـزتـي لـلـي يــدور لحـقـوه مـحـزمـه
وعزتـي للـي تعـزوا يبـي الحـد الشطيـر
والعـداء قدمـه تــدور لـراسـه واقـدمـه
وعزتي للي حـداه الزمـن واصبـح فقيـر
مـن فعـول اللـي تـقـدم يديـنـه بكـرمـه
فيا وجودي وجد من ينحر السيل الكبير
محرم ٍ ويدعي على اللـي بـلاه ويضلمـه
والله ان الـوقـت هـــذا بـلاويــه كـثـيـر
مالقيـنـا خـيـر بـعـد افـتـتـاح العـولـمـه
ضاع قدر العود واللي ضهر قدر الصغير
ولا دخلـت بخيـر جاتـك علـوم امولـمـه
مابقى اللي يفزع يجبـر العظـم الكسيـر
غيـر بعـض النـاس ياجعلنـا مـا نعـدمـه
للمواقف سـاس والمرجلـه قـرم وسفيـر
مـا توانـا فـي حضـوره لصـوت ٍ يزهمـه
للمواقـف حمـل يثبـت لهـا ظهـر البعـيـر
والحطـب والزنـد يبغـا شجـاع ٍ يشعمـه
ياهجوسي طاب فالـك وابشركـم بخيـر
النـوايـا الطيـبـه عـنــد ربـــي مـكـرمـه
عدها بالطيـب والخيـر لـك قـدم وخيـر
وكـل مسلـم لـه سجـلات ربـي محكـمـه
(
(
