الرأي - حمد الظلافيع - الرياض
ياعين لاتبكين في وجه الأحباب
صبرك علي ياعين حتي يقفون
****
واليا توادعنا وعزم الصبر ذاب
هاتي ادموعك والمحبين يبكون
****
قفيت عنه وازرق الدمع سكاب
والجوف كن فيه المصانع يشبون
****
الله من حظ بلاني ولا تاب
يشهر علي السيف والسيف مسنون
****
الوقت ماكر لو تهياء لك وطاب
لا تأمنه لو مد لك ساعده عون
****
ياوقت جرحك ماتداويه الاطباب
بالهون ياقاسي علي القلب بالهون
****
يكفيه فرقا صاحب تله وغاب
حاله بعد فرقاه من دون في دون
****
أخفيت حبه خايف بعض الاصحاب
يفضح خفايا السر والنَّاس يدرون
****
اخاف يشمت كل حاقد وكذاب
ناس عن أعراض البشر مايصومون
****
حبه بقلبي دونه السور والباب
في وسط شريانه مقيد ومسجون
****
كم وااحد لحقه مشاريه واعتاب
لا صد عن وجه البشر مايصدون
****
يالله يلي ماعلا بابك احجاب
تفرج لجفن يسهر الليل محزون
••••
سعود الخريب
(
(
