انا ، مزاجي ،، مايوافق،،، مزاجك
ياللي على شذب العراقيب ضاري
****
انت تقهوى ،،، من منابع هماجك
وانا شفوق لفج خضر الصحاري
****
يطفي على درب المراجل ،، سراجك
وانا ،،، على الطالات شبيت ناري
****
تمرض وتلقى ،، في المقفي علاجك
وهرج القفى ماهو بطبعي،، وكاري
****
لكن نصيحه ،،، واخذ منها خراجك
اللي يسوم برخص ،، ماهو بشاري
****
وقبل ان تضيع صيدتك في عجاجك
عدل مسار ،،، سرت به وانت داري
****
وقبل ان يغطي نون عينك حجاجك
احفظ كتاب الله ،،، ونص البخاري
****
وحذرا ، على الشينه ، يبين مداجك
بشت المراجل ،،، مايجيك اختياري
****
ان ماكسبت ،، الطيب واخذت باجك
تهبط من العليا ،، هبوط اضطراري
****
ذيب العبيدي
التعليقات 2
2 pings
مشاري ابن خاطر
03/12/2016 في 4:56 م[3] رابط التعليق
صح السانك
(0)
(0)
محمد الجـــــــابري
08/12/2016 في 10:47 م[3] رابط التعليق
صح لسانك ابو عبد الاله
راس قرناس
(0)
(0)