الرأي - مضواح بن شتوي - الرياض
السنافي ليت راسه مايشيب
ليت عمره يندبل تسعين مره
****
والردي ليته من الدنيا يغيب
دام خيره مايعادل ربع شره
****
مايبكي غير موتة كل طيب
طيب لامات ماعمر مقره
****
من مقره للبعيد وللقريب
كل من له حاجةٍ لازم يمره
****
اشهد ان فرقاه تبقى ماتغيب
وجعةٍ تسطى على القلب وتضره
****
والردي اللي هيبته ماهي تهيب
غيبته لاغاب مامنه مسره
****
دام في في فعل المواجيب يتعيب
غيبته ماتثر بمثقال ذره
(
(
