الرأي - أمل الشمري
على سنا ضو الشموع وغرامك
كنت اكتب ابياتي واجاري قوافيك
••••
واذا غفت عين القصيد بمنامك
صحيت عين ن ساهره مغرمه فيك
••••
يكفي فهمت بصمت عينك كلامك
لو مانطقت الحرف يكتب معانيك
••••
همسك شموخك كبريائك مقامك
وتواضعك ياامير هيبة معاليك
••••
وانا وشعري والقوافي امامك
واقلامي اللي بالمشاعر تناديك
••••
وصديقك اللي يستحق احترامك
والعاذل اللي بالمحبه معاديك
••••
يدري بأني شمعة ن في ظلامك
تضوي معك باخلاصها ماتخليك
••••
والميزه اللي قلدتني وسامك
لو تسأل شموع الغلا في لياليك
••••
مافيه شمعه ضاويه من غرامك
الاّ محبة نابته ،،،،، من اراضيك
••••
الشاعرة: السلطانة