الرأي - أمل الشمري
جيت الغريب اللي فقد رحمة الناس
واخذت .. بيدك لـ الفرح .. واحتويتك
••••
عطيت حلمك نبض .. وعيونك نعاس
واهملت كل اللي أبي .. و احتريتك
••••
ميّلت لك ” قلبٍ ” محانيه .. يبّاس
وسيّلت لك ” غيم الحنان ” وسقيتك
••••
صرت لهجيرك ظل واصبحت لي فاس
حطبتني .. وانا من أمسك .. خذيتك
••••
كم قلت لك ماني بـ متطمّن وحااااس
أنك : تلاعب .. بـ العطا .. لا عطيتك
••••
مشت خطاوي طعنتك .. بين الاقواس
حتى قطعَت ” عرق الغلا ” وانتهيتك
••••
لاتعتذر مالي مع احساسك احساس
لو بلّ ” كحلك ” غترتي .. ما بكـيتك
••••
ولو الندم يخطف من أنفاسك أنفااس
” حلفت ” ما حسّ بـ ندم ، لا جفيتك
••••
برجع معي ولاّ انت سافر مع الياس
” قلبك خسرني ” ولاّ أنا ما شريتك !
••••
الشاعر : ماجد مقبل المطيري
(
(
