قصيدة للشاعر علي بن ضاوي



الرأي - مضواح بن شتوي - الرياض

يا دنياي عقب العمر ذا ما عليش شفوق
ولا فيش نفسي عقب ما شفت طماعه

****

حسبتش تصونين لوجيه الرجال حقوق
هل الشيمه اللي فالمواقيف بتاعه

****

حجاب الذرى عز الرفق ستره الموثوق
نهار يميز نظرة الرجل و اطباعه
****
لكنش عليش اللوم جيتي بسلم البوق
و ضحّكتي وجيه الردى ساعه و ساعه

****

كبار العلوم اللي تنوّخ مناخ التوق
بوقت السعه عندك على السمع و الطاعه

****

ولا قلّت الحيله و جا فالصدور حروق
يجيها هيام البل بحنّه و هجراعه

****

رزيم المطايا حسها يا عساها العوق
عراض الجنوب اللي مع الضيف فزاعه

****

تسابقه و تحوق الصحن في ثواني حوق
و عن واجبه في جرة الكفو تباعه

****

عساها فدى اللي فالوفى ما هو بملحوق

ولو قلّ وجده هقوته طوّلت باعه

****

لو انّ الحظوظ تباع للناس وسط السوق
غدينا لها في زحمة الناس وزاعه

****

بحسب البشر والله خلقها دمى و عروق
وكلًً على جده و ساسه و مرجاعه

****

لكن الحظوظ بدبرة الله للمخلوق
ماهي حسب قوة عقله و قوة ذراعه

****

تحت الارض والا فوق والله بعرشه فوق
ومقياسنا عنده بتقواه و الطاعه

****
علي بن ضاوي


4 التعليقات

إنتقل إلى نموذج التعليقات

    1. 1
      صالح القحطاني

      صح والله لسانك

      (0) (0) الرد
    2. 2
      منصور

      كفووووو كفووووو كفووووو شيخ ولد شيخ

      (0) (0) الرد
    3. 3
      أبو تركي الهباش

      صح لسانك وأعتﻻ شأنك أبدعت يابو ضاوي.. سلمت أناملك بما خطه قلمك..
      ما شاء الله تبارك الله ننتظر كل ماهو جديد ياغالي ..
      كما نشكر صحيفه الرأي الالكترونية على النقل..

      (0) (0) الرد
    4. 4
      عبدالله القحطاني

      صح الله لسانك يابو عبدالعزيز

      (0) (0) الرد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح