قصيدة للشاعر عبدالله المهداني



الرأي - مضواح بن شتوي - الرياض

رعاك الله يا حيً عليه من الزمن سلطان
تدور به الدوير والقدر ما احدً بمختاره

****

لو ان كل الدروب مصلحه والورد في البستان
عليه الشوك حامي والسياج يسكر اسواره

****

وكل انسان له بيبان والبيبان في الانسان
تفتحها المحبه والغلا والطيب وادواره

****

يقولون العرب في ما مضا بان الكريم معان
وهذي في بعض لحيان لا شاره ولا غاره

****

ترى بعض التواضع يرخص الرجال في الاعيان
كلامً واقعيّ وشيمت الرجال في داره

****

وطبع الناس دايم تنطح المعروف بالنكران
ولو تفرش لهم ثوبك تقول مقطع زراره

****

وطيبً في هله ما ضاع قدره والشهود اعيان
ولا اعمم ولكن قاعده والعُرف له شاره

****

وانا عندي كلامً يزعل المنجوم والمرضان
يخليه يتحسس بالحروق وتشتعل ناره

****

علاج اهل النميمه والكلام السفه والسفطان
تنقل من فريق لثاني ومن حاره لحاره

****

تجمع دايمً في الزور والنقصان والبهتان
على وضح الردى ماعندها في كذبها عاره

****

يحسبون العرب من فعلهم وعلومهم خبلان
سواد قلوبهم في وجيههم ما ضاعت اخباره

****

وعندي يا وسيع العرف كلمه فوقها برهان
تسمع وافهم العلم الصحيح وميز اسراره

****

اذا طال الزمان وشفت وقتك في بعض لحيان
عليه اكبر من الواقع وقوع وكوّس غباره

****

فلا تامن عجوز بليس مهما كان بالامكان
عجوز بليس لداغه وغداره وبواره

****

لو ان سنونها تبرق تراها نسخة الثعبان
تحّرص واقطع الراس الخبيث وحكم حصاره

****
عبدالله المهداني


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *



ملاحظة : يمنع نشر أي تعليق بدون الاسم الصريح