الرأي - مضواح بن شتوي - الرياض
المرجلة عذراء و فعل الرجل صيب
تبغى لها هومة و تبغى له دحّ
****
واللي يهوم الطيب يتعب على الطيب
وان كانا يبغى الدحّ فلا يقول احّ
****
نتعب ونشقى في دروب المواجيب
و كفوفنا ما تقبل البخل و الشحّ
****
يا هيه يا اللي تشذبون العراقيب
من كثر شذبات القفا صوتكم بحّ
****
اللي بصدره يكتم الخبث والريب
تظهر خوافي علته كل ما كحّ
****
والانسان في دنياه ما يعلم الغيب
و اليا زرع تفاح لا يامن الجحّ
****
عليك بالهيلع حصان الاطاليب
ماهوب يبشلش لا بدا النوب و يفحّ
****
الظن يخطي فالرجاجيل و يصيب
والرابح اللي دايم منهجه صحّ
****
وانا اليا صغت المعاني بترتيب
قالوا لعلّ لسانه يدوم و يصحّ
****
✒️علي الشنّاني
(
(
