الرأي - مضواح بن شتوي - الرياض
بين كلمة خداع وبين كلمة وداع
حرف واحد ولكنه علي انحسب
****
سبب الحرف هذا لي جفاف اليراع
وأنتهى بي على معنى يفيد النسب
****
ما هقيته عظيم وفيه معنى الضياع
لين ضاع المسار ونهر دمعي نضب
****
والموادع مثل حالي يجيه الصداع
كيف لا والوداع اللي نفيته وجب
****
كل يوم وضغطي ماخذ في ارتفاع
وأشتكي قل نومي وانهيار العصب
****
بيني وبين قلبي قام حرب وصراع
وارسل العقل موجات تفيد العتب
****
والنهايه لقيت الحظ لابس قناع
مر والهم بكفوفه وحاله صعب
****
من ثلاثين عام ومسكنه وسط قاع
ما أذكر انه لفاني يوم حسب الطلب
****
صح ذاك المودع ما ترك لي متاع
ما ترك لي يا كود المعمعه والصخب
****
لملم افراح عمره في زهابه وزاع
وأوصد الباب من دوني وشب الحطب
****
ما ترك في حياتي غير جرح الوداع
جرح ماهو بسيط وفي حياتي انحسب
****
غرمان بن عزيز
(
(
