الرأي - مضواح بن شتوي - الرياض  

ياقلم خط الرسايل واكتب احروف البياني
اصلح النيه ولا في أيد الرسول الا بلاغه

****

من هجوس ن قسمها وافي على صيد المعاني
كل حرف ن من جزيل القول تكتب له صياغه

****

منهو البغدادي اللي بيعته كفر وهواني
ومنهو اللي يتبعه بالذل ويفرمت دماغه

****

ومنهو اللي للخوارج تابع ن في كل شاني
ومنهو اللي يلعب الشيطان في عقله وزاغه

****

ازدواج الفكر عله زادت اجروح الزماني
كم مصاب ن من دموع الغبن كفكفها شماغه

****

وكم عقوق ن للوطن والام ولسبع المثاني
ويعقب من يارد لعد المذله واستصاغه

****

صدمة هزت كيان الشعب مع عشر ارمضاني
والحزن لو هز عرش القلب ما جاء من فراغه

****

الحدب حده الأمان وينردع به كل جاني
والوطن دونه رجال الأمن وعقول النباغه

****

ناصر آل جمان