لو مالت الدنيا علينا مانميل
نمشي بعزتنا على بر وبحر
****
أما كرمنا للبشر يبقى دليل
والا حرام انا نعيش مع البشر
****
واللي يقول انه غني.. الله وكيل
لايحسب ان المال يدخل للقبر
****
ويشوف فرق بنظرته ماهو قليل
الفرق فرق العقل ماهو فالعمر
****
لولا العقل للادمي يوجد بديل
العقل فالانسان يعطيه القدر
****
والا الوظايف يجتمع فيها فصيل
حتى الابل تمتاز عنا فالصبر
****
المسعد اللي بالكرم ماله مثيل
يعطي ولايطلب على ذلك شكر
****
والمسعد اللي له من امواله سبيل
ماله عليه الا من الله الاجر
****
واللي من الثنتين خالي يستقيل
ماهو مقرن لي .. ولاني له مقر
****
اثنين مالي في مجالسهم مقيل
من خلقة الدنيا ليا يوم الحشر
****
اعز نفسي عن طلب مال البخيل
ماحتاج ماله .. لو اموت من الفقر
****
واعز نفسي عن مخاواة الذليل
اللي يدس الراس ساعات الظفر
****
الشاعر المهندس / منصور الدرين