الرأي - مضواح بن شتوي - الرياض  

‏‏الفكر وردناه صافي المشاريب
‏مثل ما ياردنا الزمن و انتحدّا

‏****

لو همنا عدّى الضلوع المحاديب
‏نشرب فناجيله ما قد قال : عـدّا

‏****

ما كثر الله عندنا الا التراحيب
‏و هذاك جاب مفطح و ذاك ودّا

‏****

‏و فوح الدلال اليا اختلط بـ ازرق الطيب
هـذا تعشـاء عندنا و ذا تغـدّا

‏****

اشوف نفسي ذيب و اطيب الذيب
و احس بـ احساس المليك المفدّا

‏****

على طريق ابوي سقت المناديب
اللي ما سده غير والنعم جدّا

‏****

حتى لو انه دب في راسي الشيب
بـ ابقى على درب الكريم اتقدّا

‏****

اللي على حطة كفوف المواجيب
‏ما ينقصر فـ اللازم اللي يبدّا

‏‏****

مجنب اللي لحقه الشك و الريب
و انا بعد مثله ما ني بـ اتعدّا

‏****

لازلت احب الطيب .. و اقدم الطيب
‏و الا الرداء والله ما اعرف اتردّا

‏****
عبدالحكيم بن شفلوت