الرأي - مضواح بن شتوى - الرياض
لولا سواد الليل ما شفنا نجوم و لا قمر
ولولا عيوب الآدمي ما بينت مفاخره
****
اللي عمل يبغى الاجر واللي زرع يبغى ثمر
والآخره خيراً من الأولى ولو هي الآخره
****
لأجل القرابه والرفق نطمر خطى المخطي طمر
والمشكله ضعيف الاريا رافع ن مناخره
****
الله يخلي له رياجيل ن يسيسون الامر
من قبل عصمان الشوارب يبحثون آواخره
****
انذمر الوافي ذمر و انذمر الهافي ذمر
وشتان ما بين الوجيه الطيبه و الساخره
****
الوافي اليا احتاجني بأصير له طلع و تمر
واللي ذخرني لليالي السود شفني ذاخره
****
العود الازرق يحترق وجهه على صالي الجمر
ويفوح طيب وتدِّرج على اللحى مباخره
****
احدن على الدنيا عمر واحدن على الدنيا دمر
والآخره خير ن من الدنيا ولو هي الآخره
****
محمد بن دوحان
(
(
