غرِّب الشعر عنّي كان باسك شديد
و ارم الأفكار و ألبسني ثيابٍ جداد
••••
علم الشعر لامنّي غديت ” الوحيد ”
لا يجيني و أصبّه و انتظر له حصاد
••••
شاعرك من تغرّب فيك ماهو وحيد.
صوتك الشعر و عيونك بحور و مداد
••••
كل ماهبت الذكرى وذاب الجليد
وقتها الحزن كنّه شخص سافر و عاد
••••
غايبي و انت منّك كل جرحٍ ” جديد ” !
يشعل البوح في صدري و صدري رماد
••••
بارد شعور كنت و كان قلبك عنيد
تقتل الحلم في صدري و هو فالمهاد
••••
لكن أيئست و ادركت الصحيح الأكيد
و اعتلت كل خطواتي طريق البعاد
••••
اتهادى رحيل و كن ف خطاي قيد
و وسط صدري رجاوي ودي اعود .. ناد
••••
خلّص الدرب ! وينك ؟ شكل صوتك بعيد
يدرك الكذب صنّاعه بوقت ( الحصاد )
••••
الف حزن و بقايا دمع ، ضيقه ، قصيد
ذي حمولي بدربٍ فيه تِيهي ( وكاد )
••••
جيت بذكرك و الذكرى مياتم و بِيد
و التوى الشوق فـ مسافر ضلوعي و عاد
••••
الشاعر:
شباب بن قصاص
(
(
