ياهجوس الليل في صدري ملام
يفهقه علمٍ جرالي ما التئم
°°
لا بغيت ارقى على روس المقام
طاح بي جرحٍ جديد و اقتسم
°°
في يميني غيث و فصدري وئام
وما لقيت إلا مجحدت النعم
°°
قلبي الصادق على كفه غمام
يعطي من الزين لو صابه سقم
°°
لين جارت به مجاكرة العظام
من قبيح القول يهدوه الغتم
°°
مادروا عن سالفة بدر التمام
يوم ياصل ماصله عقب القتم
°°
الغلا عندي بابابدّيه احترام
ما ارمي الكلمه و اثنيها شحم
°°
كل من مان بغلاته زاد شام
يحسب ان الموت جاني من سقم
°°
بطوي الصفحه و اثني بابتسام
كن مافي الكون في وجهي بسم
°°
يخلق الله من سوى غيره أنام
وكل مخلوقٍ يحسّبه الأهم
°°
يياغرور الخد مع لمع الزمام
ويا جمال الوجه مع قل النعم
°°
إن بغيت يعيش ذكرك في زحام
اخفض جناحٍ تخايل و اغتشم
°°
ابتلشنا في منقضة الخيام
لا ارتكز فيها عمودٍ و انهدم
°°
ينكرون انه تعلى و استقام
واثرهم سبة مواقيف العدم
°°
يا صحيب الحق و النظره وسام
لايشوقك بارقٍ فيه الندم
°°
هاجسٍ مر و تحيته السلام
وابدع الجزله و دبّر و احتشم
°°
الشاعرة : “غيمة” دلال القحطاني
(
(
